HATAW! D'yaryo ng Bayan hatawtabloid.com
ANG veteran actress na si Ms. Lorna Tolentino ang latest addition sa lumalagong listahan ng brand ambassadors ng Beuterderm Corporation. Swak ang pagpasok ni LT sa Beuterderm family, kasabay kasi nito ang paghahanda sa nalalapit na 10th anniversary ng naturang kompanya.
Isang certified icon of beauty, itinuturing si Lorna bilang pamantayan ng gold standard of beauty and elegance. Siya rin ang pictorial queen ng 80s, 90s, at 2000s at naging industry leader siya sa larangan ng beauty and fashion dala ng mga chic at stylish looks na kanyang pinasikat sa loob nang tatlong dekada.
Itinatag noong 2009 ng President at CEO nitong si Rhea Anicoche-Tan, kinakatawan ng Beautederm ang prinsipyo ni Rhea na nagsisimula ang kagandahan sa wastong pag-aalaga sa ating sarili at sa ganoon tayo’y mas magiging malusog at magpapamalas ng kagandahan hindi lamang sa panlabas ngunit sa panloob din.
Ipinahayag ng premyadong aktres ang kagalakan sa pagiging bahagi ng Beautederm family. “Honored ako at sobrang saya ngayong bahagi na ako ng pamilya ng Beautederm. Ilang taon na rin akong loyal user ng Beautederm at formality na lang ito, matagal na akong may tiwala sa bonggang produktong ito.”
“Isa si Ate LT sa pinakamatalik kong kaibigan at nakatataba ng puso na salubungin siya sa aming pamilya,” saad ng Beautederm lady boss na si Ms. Rhea. “Napakabuting tao niya at walang kupas ang kanyang ganda. Maraming tao — at isa na ako sa kanla, ang tagahangga ng kanyang body of work bilang isang aktres at marami rin kaming humahanga sa kanyang legendary beauty. Major asset si Ate LT sa Beautederm Corporation at lubos ang aming kaligayahan na kasama na namin siya,” sambit ni Ms. Rhea.
Bilang isa sa mga pangunahing lider ng beauty at wellness industry, prayoridad ng Beautederm ang kaligtasan at pagiging epektibo ng lahat ng mga FDA Notified products nito, na gumagamit ng mga plant-based na sangkap na pinagsama-sama upang makapagbigay ng pinakamabilis at pinaka-epektibong long-term at sustainable na resulta.
Isang consistent Superbrands awardee, ilan sa mga flagship brands ng Beautederm ang Beautederm Skin Care Sets para sa mukha at katawan; ang Reverie by Beautederm Home na kinabibilangan ng mga soy candles at room sprays, at ang perfume collection ng Beautederm na tulad ng Origin Senses Perfumes For Men at marami pang iba, na lahat ay top-selling na produkto sa merkado ngayon.
Sa kasalukuyan, mayroong higit na 60 physical stores ang Beautederm sa buong bansa at isa sa Lucky Plaza, Singapore. Mayroon din itong higit na isang daang resellers sa bansa at sa ibayong dagat, plus, mayroong halos 40 brand ambassadors na kinabibilangan ng mga aktor at aktres, TV personalities, singers, beauty queens, mga politiko, mga komedyante, at social media influencers.
Para sa mga kapanapanabik na balita at updates sa Beautederm at kay Lorna Tolentino, sundan ang @beautedermcorporation sa Instagram at i-like ang Beautederm sa Facebook.
ALAM MO NA!
ni Nonie Nicasio
