Arjo Atayde, patuloy sa pagpapakita nang husay bilang aktor

PATULOY na pinupuri ang galing ni Arjo Atayde bilang aktor. Partikular ang husay niya sa The General’s Daughter bilang si Elai na isang autistic at sa digital series na Bagman ng iWant.

Patunay ng galing ni Arjo ang pagkaka-nominate sa Gawad Urian bilang Best Supporting Actor para sa pelikulang Buy Bust. Gaganapin ang awards night sa June 18 sa UP Film Center. Naunang na-nominate si Arjo sa FAMAS para rin sa naturang pelikula na pinagbidahan ni Anne Curtis.

Ipinaabot naman ni Arjo ang kanyang kasiyahan sa mga papuring natatanggap at sa magandang takbo ng kanyang career.

“Everything is surreal, everything is overwhelming, I can’t explain being given all these roles, this opportunity, the family, good per­sonal life, career. ABS-CBN is taking care of me, Dream­scape and Rein Entertainment took care of me well in this project, of course my co-actors took care of me so well and nothing easy but I worked for it. Very, very thankful,” aniya.

Sa panayam namin kay Arjo sa thanksgiving na ibinigay ng kanilang pamilya sa entertainment media, nasabi niyang marami siyang project na nakaline-up na hindi pa niya puwedeng banggitin. Pero, ayon sa guwapitong binata ni Ms. Sylvia Sanchez, nakatakda na rin siyang sumabak sa pagiging movie producer very soon at nakalatag na ang magagandang projects na gagawin nila.

Samantala, although tila mas open na si Arjo sa kanyang personal na buhay, lalo na sa pagiging mas malapit nila ngayon ni Maine Mendoza, mas gusto niyang huwag nang pag-usapan ang espesyal na babae sa kanyang buhay.

Nakangiting paliwanag ng isa sa endorser ng BeauteDerm ni Ms Rei Tan. “Whatever I say on any issue concerning her, lagi pa rin akong naba-bash, so no comment na lang,” wika pa ni Arjo.

ALAM MO NA!
ni Nonie Nicasio