HATAW! D'yaryo ng Bayan hatawtabloid.com
AMINADO si Vico Sotto na hindi niya hilig ang showbiz dahil ang gusto niya talaga mula nang bata pa ay ang magtrabaho sa gobyerno at makatulong sa mga tao.
Ayon sa anak nina Vic Sotto at Coney Reyes, ang nakaimpluwensiya sa kanya mainly ay kapatid sa ina na si LA Mumar na eleven years ang age gap nila.
Si Kuya LA niya ay Development Studies major at mula sa school daw, ang mga natutuhan niya ay itinuturo sa kanya. Kaya sa murang edad ay na-expose si Vico sa government related subjects at ang interes niyang ito ay nag-develop daw sa passion para sa isang mabuting paggogobyerno.
Kahit daw elected, appointed, o career officer, ang puso niya ay talagang nasa paglilingkod sa gobyerno. Kaya mula sa pagiging Konsehal sa Pasig, nanindigan si Vico na panahon na para ayusin ang luma at bulok na sistema sa kanilang lugar.
“Nakita ko po iyong pangangailangan sa Pasig City na may tumindig laban sa kasalukuyang pamilya, kung hindi po ako tumakbo ay walang ibang tatakbo. At dahil nakita ko po iyong mga nangyayari, specially ang kultura ng pananakot sa Pasig City at pang-aabuso ng kapangyarihan, sabi ko bago matapos ang deadline ng filing para sa kandidatura, sabi ko, ‘Hindi ako papayag na walang lalaban.’”
Nabanggit ni Vico na masaya siya sa nakukuhang suporta sa mga kababayan niya sa Pasig. “Im very overwhelm with the response of the Pasigueños, mukhang handa na ang Pasigueños sa pagbabago,” saad niya.
Pangako rin ni Vico na hinding-hindi siya magbubulsa ng pondo ng bayan. Ang tanging ilalagay daw niya sa kanyang bulsa ay suweldong nakalaan sa kanya bilang alkalde.
Si Vico ay graduate ng Political Science sa Ateneo de Manila University at may Master’s Degree in Public Management sa Ateneo School of Government. Kabilang sa limang tututukan nang husto ni Nico kapag pinalad na makapaglingkod sa Pasig ay 1. Kalusugang pangkalahatan, 2. Pabahay, 3. Edukasyon, 4. Konsultasyon bago aksiyon, at 5. Laban kontra korupsiyon.
ALAM MO NA!
ni Nonie Nicasio
