HATAW! D'yaryo ng Bayan hatawtabloid.com
HINDI assuming. Ito ang nilinaw ni Nadine Lustre sa usaping ibibigay sa kanya ang Darna.
Pero iginiit ng batang aktres na handa siya sakaling ibigay sa kanya ang proyekto.
Anang FAMAS best actress, “I’m not expecting anything, and I’m not the kind of person who’s assuming. Alam ko naman po ibibigay nila ‘yung role sa taong deserving. ‘Pag sinabahan po ako, gagawin ko. I’m very open to everything. I would want to do it.”
Hindi naman itinanggi ni Nadine na interesado siya sa proyekto.
“Handa ako, pero kasi malaking responsibilidad po ‘yun, eh. Siyempre si Darna ‘yun. Hindi ka puwedeng magkamali kaya dapat paghandaan talaga.
“And I know na mahirap ang training niyan dahil naikuwento sa akin ni Liza (Soberano) ang mga ginagawa niya before na mag-backout siya.”
Sinabi pa ni Nadine sa thanksgiving presscon ng Viva Artists Agency (VAA) sa pagkapanalo niya ng Best Actress sa FAMAS para sa pelikulang Never Not Love You, hindi pa siya sinasabihan ni Boss Vic del Rosario ng Viva para mag-audition.
“Sino ba naman ang hindi gugustuhin na gumanap na Darna, she’s a Filipino icon, a symbol of hope, and a protector, at para ihalintulad ako ng mga tao sa kanya, it’s amazing,” sambit pa ni Nadine.
SHOWBIZ KONEK
ni Maricris Valdez Nicasio
