Party-list para sa ‘Marginal sector’ noon sa orihinal na layunin kinopo na rin ng ‘trapo’ ngayon

TULUYAN nang napariwara ang layunin ng pagbubuo ng party-list system sa ilalim ng Commission on Elections (Comelec).

Kung noong una’y mga totoong kinatawan ng marginal sectors ang nakapasok sa party-list system, iba na ngayon.

Ang party-list system ngayon ay naging ‘alternatibong kanlungan’ ng political dynasties o ng traditional politicians na nagsisiksikan na sa regular na puwesto sa kongreso.

Dahil nag-aabot-abot na ang political dynasties sa iba’t ibang puwesto sa kongreso, napag-isip-isip nilang puwede silang ‘makarami’  pa sa pamamagitan ng party-list system.

Kaya huwag kayong magtaka kung ang regular district representatives ay kamukha rin ng mga party-list representatives.

Wattafak!

Moderate your greed naman!

Kaya kung sinasabing ang party-list system ay para roon sa mga nasa ‘laylayan ng lipunan,’ hindi na po totoo ngayon ‘yan. Kasi itinaas nila ang ‘laylayan’ para itakip sa mukha nila nang sa gayon ay makapagpanggap na mula sila sa marginal sector.

At literal po ‘yan, ginamit nilang ‘balatkayo’ ang ‘laylayan’ nang sa gayon ay makopo nila ang party-list system.

Sa 13 Mayo po, kilatisin maigi ang mga party-list. Huwag po ninyong iboto ang mga miyembro ng political dynasty at mga trapo na ginagamit ang ‘laylayan’ pabor sa kanilang interes.

Kung boboto ng party-list, iboto po ang totoong nagmula sa marginal sector at may track record na nagsisilbi sa kanilang sector.

‘Yun lang po.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap