HATAW! D'yaryo ng Bayan hatawtabloid.com
WA-EPEK at nag-boomerang pa sa mga kalaban ng boyfriend ng award-winning actress na si Aiko Melendez na si vice gubernatorial candidate Jay Khonghun ang mga paninira ng katunggali nito sa politika sa lalawigan ng Zambales.
Talagang gising na at aware na ang mga tao sa probinsiya dahil siguro sa kasikatan ng social media at hindi na sila nagpapaniwala sa black propaganda.
Kasi, kahit saan magpunta sina Aiko at soon-to-be Zambales vice governor Jay ay walang narinig na pangungutya mula sa tao, sa halip ay inaakap nila ang dalawa at pinapakinggan ang kanilang mga inilalatag na plano at plataporma para sa Zambales.
Sabi pa ni Aiko, hindi talaga sila nagpapaapekto ng boyfriend na si Jay sa ngalngal ng kalaban dahil wala naman itong katotohanan. Sa post niya sa Facebook, tila nagpakalat ng trolls ang mga ito para talagang siraan sila. “Sipag gawa ng mga kalaban ng hate accounts? Hahahahaha di kayo busy? Ikot kayo sa mga barangay dapat para makita n’yo situation sa bawat bayan. Habang kami halos puyat makita lang mga tao,” saad pa niya.
Post din ni Jay sa kanyang Facebook na Jay Khonghun, “Plataporma, Pagtulong, Plano At Serbisyo Para Sa Zambales… “Hindi Paninira At pag yurak Ng Dignidad Ng Kapwa. “Salamat po sa Inyong pag tanggap. Tuloy tuloy ang Pagtulong At pagsulong Zambales.”
Naniniwala ang dalawa sa kasabihan ni Bobby J. Mattingly na, “If you have to hurt other people in order to feel powerful, you are an extremely weak individual.”
ALAM MO NA!
ni Nonie Nicasio
