HATAW! D'yaryo ng Bayan hatawtabloid.com
TALAGA nga bang isang malaking banta kay incumbent Pasig City Mayor Bobby Eusebio ang mayoral bid ng makakalaban niyang si Vico Sotto?
May nasagap kaming tsikang hindi na umano siya pinagre-report sa munisipyo gayong bukod sa isa pa rin siyang nakaupong Councilor ay presidents pa siya ng asosasyon ng mga konsehal sa naturang syudad.
Tinanong namin ang aming source kung ano ang chances ni Vico na “maagaw” ang kapangyarihan mula sa kasalukuyang alkalde, “Fify-fifty pa rin kung paanong may tulog din naman ang present mayor.”
Ang nakatatawa ay ang eksena nitong mag-motorcade ang Team Vico sa buong lungsod, “Sobrang dami ng tao, aakalain mo ngang si Bossing (Vic Sotto, na sumama ring naglibot) ang tumatakbo!”
Inalmahan din ng aming kausap (isang lehitimong taga-Pasig) ang ‘di pagpapahintulot ni Eusebio na isagawa roon ang Juan For All, All For Juan segment ng Eat Bulaga.
“Wala naman kasing halong politika ‘yon. Mga tao ang gustong bigyan ng kasiyahan ng ‘Eat Bulaga.’ Huwag naman sanang ipagkait ang kasiyahang ‘yon sa amin,” emote ng aming source.
Oo nga naman.
HATAWAN!
ni Ed de Leon
