HATAW! D'yaryo ng Bayan hatawtabloid.com
ITINUTURING ng kuwelang komedyanteng si Jobert Austria na biggest break niya ang pelikulang Familia Blondina ni Direk Jerry Lopez Sineneng at showing na today, February 27. Ito ay tinatampukan din ni Karla Estrada at mula sa Arctic Sky Entertainment.
Dito mapapanood ang kakaibang tandem nila ni Karla. Ibang timpla rin ang mapapanood nila rito sa pelikula na itinuturing ni Jobert na biggest break niya.
Saad ni Jobert, “Siguro itong Blondina ang biggest break ko, kasi first time ko kasi nagbida, asawa ako ni Karla Estrada rito.”
Paano niya ide-describe ang movie? “Iba siya e, iba naman, ibang lasa niyon, ibang timpla. Kasi, normal na nangyayari ‘di ba? Iyong katulad ko, ‘yung asawa ng mga anak ko, ibang lahi tapos nagkasama-sama kami. Iyong anak ko Filipino ‘yun, nagkakaroon ng conflict kahit paano ‘di ba? Ganoon ‘yung Blondina.
“British ‘yung asawa ko, si Karla naman Amerikano. Kaya mga anak namin ay blond ng mga British at Americans.”
Paano niya ide-describe si Karla bilang katrabaho? First time ba sila nagkatrabaho?
“Nakatrabaho ko na siya sa Cinemo, makulit din ‘yun e, masayahin din at saka mapagmahal ‘yun na parang utol ko na ‘yun. Ang suwerte ko naman dahil lahat ng nakakatrabaho ko ay mahal ako tulad nina John Lloyd (Cruz), Coco (Martin), Angelica (Panganiban. Tawa lang sila nang tawa e, ‘yun lang naman trabaho ko sa buhay e,” nakangiting sambit ng masipag na alaga ni Ogie Diaz.
Bukod sa Familia Blondina, ang iba pang projects ni Jobert ay Home Sweetie Home, Banana Sundae, Sagot Ka Ni Jobert at Sorpresaya sa Cinemo at paborito siya ni Coco Martin sa top rating na FPJ’s Ang Probinsiyano.
ALAM MO NA!
ni Nonie Nicasio
