Matteo, bumaklas na sa Star Magic; Derek, naudlot ang proyekto kay Jen

AFTER Xian Lim, si Matteo Guidicelli naman ang sumunod na bumaklas sa Star Magic at ngayo’y nasa pangangalaga ng Viva Artists Agency.

Sadya bang nagpa-release si Matteo para sundan ang kanyang rumored girlfriend na si Sarah Geronimo na noong nag-uumpisa’y isa nang Viva talent?

With Xian na balitang lilipat sa GMA, maging ganito rin kaya ang career plan ni Matteo?

Meanwhile, ang kasado na sanang paglundag ni Derek Ramsay sa GMA is marred by his present condition.

Napuruhan kasi sa spine ang athlete-actor to think na dapat sana’y sisimulan na niya ang TV project sa GMA opposite Jennylyn Mercado.

Too bad, kung kailan pa naman nakahanap na si Derek ng bagong tahanang masisilungan (he has gone full circle) ay may nangyari pang indulto sa kanya threatening to affect his career.

Minsan na naming nakadaupang-palad ang hunk actor with his partner in tow. Napaka-pleasant ng kanyang aura.

Mukha ring he and his newfound partner make a beautiful pair. At ito ang balitang nag-aasikaso sa kanya under his condition.

We’re praying na maagad ang recovery ni Derek as he’s one damn good person.

ni Ronnie Carrasco III