HATAW! D'yaryo ng Bayan hatawtabloid.com
Sa kabila ng mga negatibong bagay, may mga positibo pa ring ipinagpapasalamat si Sylvia dahil tuloy-tuloy ang dating ng blessings sa kanya at sa kanyang mga anak.
Bukod sa pelikulang Jesusa, may ginagawa rin siyang bagong teleserye sa ABS-CBN na may working title na Project Kapalaran.
“Kahit may ganitong nangyayari sa buhay ko, masaya pa rin, mahal kami ng Diyos. Binibigyan pa rin kami ng tuloy-tuloy na proyektong mag-iina. So, iyon lang ang strength namin na alam naming may Diyos na nagbibigay at nagtitiwala pa rin sa amin.”
Puno lang ng pagmamalaki si Sylvia sa pelikula niyang Jesusa directed by Ronald Carballo and produced by OEPM (Oeuvre Events and Production Management). Napakaganda ng istorya at first time niyang gumanap na isang inang drug addict kaya may bago na naman siyang ipakikita sa mga manonood.
Kasama niya sa Jesusa sina Allen Dizon, Ynez Veneracion, Mara Lopez, Malu Barry, Vince Tanada, Fanny Serrano, at introducing si Uno Santiago. Target ipalabas ang Jesusa sa mga sinehan nationwide sa May 2019, na malamang ay itaon sa Mother’s Day.
PABONGGAHAN
ni Glen P. Sibonga
