Kris, naibigay na ang 1st batch ng pampa-good vibes na Care Bears

NAIBIGAY na ni Kris Aquino ang first batch ng Care Bears stuffed toys na ipinangako niya sa kanyang Instagram followers at supporters. Personal pang ipinadala ng staff ni Kris sa KCAP na sina Jack Salvador at Fonzi ang Care Bears sa unang limang masuwerteng IG followers na napili ni Kris.

Nag-comment ang mga ito sa Care Bears post ni Kris.

Sa video clip nga na ipinost ni Kris sa kanyang IG ay kitang-kita ang kasiyahan ng kanyang supporters sa pagtanggap ng Care Bears.

In line sa kanyang advocacy na women’s empowerment, limang babaeng IG followers ang napiling unang bigyan ni Kris. At katulad ni Kris na may autoimmune disorder, karamihan sa nabigyan ay humaharap din sa iba’t ibang health challenges. Isa rito ay nagkaroon ng foot injury at nakasaklay pa.

Mayroon ding nakikipaglaban sa kondisyon niyang hypothyroidism. Mabuting kaibigan naman ang isa. May working mom din. At ang isa ay buntis pa na mayroon ding autoimmune disorder.

Lahat sila ay puno ng pasasalamat sa pagbabahagi ni Kris ng good vibes at inspirasyon sa kanila bukod pa sa regalong Care Bears.

Ayon nga sa caption ng IG post ni Kris, “i was nervous about my videocon earlier so didn’t sleep much. posting this now because i’m sure TULOG ako ng at least 16 hours.

“they were the 1st batch of recipients. yes this #swiftie now has a Katy Perry song she loves: BY THE GRACE OF GOD.

“i am blessed because @jacksalvador & @fonziru were happy to deliver the CARE BEARS from Laguna all the way to Pampanga. From my heart, THANK YOU for making it heartwarming for me to be a cheerful giver.

“Lahat tayo may iba’t iba, at kanya kanyang pagsubok sa buhay- in this instance i am choosing to honor women with health challenges who are keeping the faith and not losing hope because i want to inspire others to not give up on themselves regardless of their current circumstances. #lovelovelove #laban.”

ni GLEN P. SIBONGA