HATAW! D'yaryo ng Bayan hatawtabloid.com
INILUNSAD ng matagumpay na negosyante at Mr. Gay World Philippines 2009 na si Wilbert Tolentino ang evolution ng entertainment bar. Kakaiba ang 24 production number na inihanda na swak sa mga millennial. Level up na ang masasaksihang mga palabas sa The One 690 na matatagpuan sa 39 Roces Ave., Quezon City in front of Amoranto Sports Complex.
Iba na ang kalidad na mapapanood ngayon sa apat na dekada ng The One 690. Nagsimula ito noong 1972, naabutan pa ang martial law na may curfew. Bawal pa pumasok ang mga babae noon. Itinayo ang Club 690 ni Boy Fernandez at pinamahalaan ni Raoul Barbosa. Pansamantala itong nagsara hanggang muling binuksan ni Wilbert katuwang ang co-owner/manager na si Mami Genesis Gallios. Tinawag na itong The One 690 at sila rin ang nagkonsepto ng ebolusyon ng show.
Pagbabalik-tanaw ni Wilbert, “Since 2004 binigyan ako ng basbas na ipagpatuloy ang 690 ni Boy Fernandez dahil nakita niya ang passion ko sa entertainment industry and the rest is history.”
Dagdag niya, “Sa pagdaan ng panahon babae na ang nagsusulputan sa ganitong klaseng entertainment bar. Hindi na solo ng mga kabadingan. Puwede na sa lahat ng gender. Hindi na kailangan magdalawang-isip pa ang mga babae para pumasok.
“So, ang The One 690 ang unang magse-set ng high standard caliber ma entertainment sa henerasyon ngayon. Mapapanood dito ang makabagong production number na pasado sa panlasa ng mga kababaihan at sangkabekihan. Mas fabulous, amazing ang show na pasabog ang costume. Nandiyan ang Las Vegas-type shows, Broadway sa New York at Moulin Rouge sa Paris. Pang-world class talaga. Of course, hindi pa rin nawawala ang mga seksi at guwapong modelo sa kanilang katakam-takam na performance.”
“Iyong 24 production number ay teaser pa lang,” sambit ni Wilbert. Pahabol pa niya, “Ini-level up namin ang The One 690 dahil girls night out na ang trending sa millennials. Maraming ganap na rin gaya ng bridal shower party. Open minded na ang society ngayon compare sa 70s 80s & 90s na henerasyon. Sumasabay na ang entertainment bar sa makabagong panahon.”
Nagpasalamat din siya sa mga taong naniniwala sa kakayahan nila ni Genesis sa entertainment industry at sa suporta ng mga parokyano. Bolder. Wiser. Sexier kung isasalarawan ang The One 690 Entertainment Bar. May tagline din ito na It’s quality men entertainment. Bisitahin ang kanilang website na www.690manila.com
Bukod dito, nag-decide sina Wilbert at Genesis na magtayo pa rin ng bagong entertainment bar na Apollo world class male entertainment & KTV bar. Ito’y located sa 717-B Roxas Boulevard, Parañaque City (malapit sa Baclaran). Gaya sa The One 690 mapapanood din dito ang mga pasabog na production show. “’Old school gay bar’ no more!” pagtatapos ni Wilbert.
ALAM MO NA!
ni Nonie Nicasio
