HATAW! D'yaryo ng Bayan hatawtabloid.com
HANGGA’T maaari’y nais naming manatili sa neutral ground kaugnay ng tumitinding palitan ng mga salita ni Kris Aquino at ng kanyang dating business manager na si Nicko Falcis.
Ang latest nga ay ‘yung kumalat nang audio clip ng kanilang phone convo sometime in August or September last year, na nagbanta umano si Kris na ipapapatay si Nicko who at that time was out of the country.
Kung pasok ang tinurang ‘yon ni Kris bilang grave threats, may katwiran nga naman siyang kuwestiyonin kung bakit hindi agad nagsampa ng kaso si Nicko, Ilang buwan na nga naman ang lumipas.
Mahaba naman ang lalakbaying debate sa kung ang audio recording nga bang ‘yon would stand in court kung gagamiting ebidensiya ‘yon ni Nicko. Batid naman kasi natin ang nagagawa ng wonders of technology sa panahon ngayon.
Looking back, may naalala lang kaming kuwento mula sa isang kasamahan tungkol sa umano’y pagiging makapangyarihan ni Kris noong Pangulo pa ang kanyang Kuya Noynoy.
Hindi na namin babanggitin ang political personality na ito na minsang naugnay kay Kris. By link, hindi kami sure kung may namagitang relasyon sa kanila at kung mayroon man, how long.
Ang nakisawsaw din kasi sa isyu nina Kris at Nicko, walang iba kundi si Gretchen Barretto ay minsan nang nagpatutsada sa kanyang socmed account na, “No to bullies. No to power tripping.”
Obyus naman kasing walang ibang pinatutungkulan si Gretchen kundi si Kris na ewan kung anong axe to grind mayroon siya laban sa huli.
Pero ang kuwento linking Kris to this political personality ay may shades of power-tripping.
Ang lalaking na-link kay Kris ay biglang akyat sa mas mataas na puwesto sa lokal na lebel. Pagmamalaking dayalog daw ni Kris, “Oh, look at (pangalan ng politikong naugnay sa kanya), I made him (local post) na.”
Hindi siguro na-realize ni Kris ang malaking implikasyon ng kanyang pagbibida sa kung gaano sagrado dapat ang electoral exercise.
Anong ibig niyang palabasin, na ipinanalo niya ang lalaking ‘yon? At sa anong mapandayang pamamaraan? Kasapakat ba ni Kris ang Comelec para ideklarang panalo ito?
On the other hand, wala man sigurong elemento ng pandaraya ang minaniobra ni Kris, baka ang tinutukoy niya, kung hindi dahil sa kanyang endorsement at suporta sa politikong ‘yon ay nungkang mag-level up ito sa posisyon.
Saan mang anggulo kasi tingnan, ang pagbibidang ‘yon ni Kris ay pagduduldol sa psyche ng mga mamamayang Filipino na taglay niya ang kapangyarihan, either she can make anyone win or lose his ambition.
At hindi nga nakalayo roon si Nicko.
HOT, AW!
ni Ronnie Carrasco III
