Xian, lulundag na sa Kapuso

TRUE nga bang gugulatin na lang tayo ni Xian Lim sa kanyang paglundag sa GMA anytime now?

Ang alam naming dahilan ng paglipat ng sinumang artista mula sa kanyang tahanan en route to another network ay kawalan ng projects o kawalan ng balita kaugnay ng renewal ng kanyang kontrata.

Kung matatandaan, sa nakaraang ball ng Star Magic ay hindi imbitado si Xian kahit alam ng lahat na isa siyang Kapamilya artist.

Technically, hindi na nga siya network artist, hence his non-invitation to the grand affair. Nakaka-amuse lang kompara sa kaso ni Empoy (who was invited to the ball) na virtually ay bagong salta sa ABS-CBN, pero sa treatment na ibinigay sa kanya ay mistulang maraming taon na ang binilang niya sa estasyon.

Hindi namin masisisi si Xian kung maghanap man siya ng bagong masisilungan. Just when John Lloyd’s (Cruz) absence was supposed to give others a chance to shine tulad ni Xian ay hindi niya ‘yon napakinabangan.

Pero may puwang nga ba si Xian sa GMA?

All we know is that si Derek Ramsay ang bagong aabangan sa Kapuso Network, this after a long lull sa kanyang TV career.

Let’s face it, malayo at hindi puwedeng ikompara sina Derek at Xian. They’re like apples and oranges kung gagamitan natin ng idiomatic expression.

Mas malawak kasi ang range ng pagganap ni Derek who can do serious and light drama, haluan pa ng romance at comedy. Mas hunk din para sa amin si Derek samantalang malambot ang dating ni Xian.

HOT, AW!
ni Ronnie Carrasco III