HATAW! D'yaryo ng Bayan hatawtabloid.com
BUKOD sa pelikula nina Coco Martin, Maine Mendoza, at Vic Sotto, nakakuha rin ng Grade A ang pelikulang Rainbow’s Sunset na pinagbibidahan nina Eddie Garcia, Tony Mabesa, at Gloria Romero. Handog ito ng Heaven’s Best Entertainment.
Sinasabing ang pelikulang ito ang hahakot ng award dahil sa hindi matatawarang husay ng mga artista. Pinamahalaan ito ni Direk Joel Lamangan.
Bukod kina Eddie, Gloria, at Tony Mabesa, de-kalidad din ang iba pang bida rito na sina Tirso Cruz III, Aiko Melendez, at Sunshine Dizon.
Family drama ang Rainbow’s Sunset na may social relevance. Marami sa mga nakapanood nito ang nagsabing tiyak na luluha ang sinumang makapanood.
Mapapanood din ito sa Disyembre 25.
SHOWBIZ KONEK
ni Maricris Valdez Nicasio
