Saturday , April 20 2024

Impeachmment complaint vs 7 mahistrado hindi na-dismiss (Boto may discrepancy)

HINDI dismiss ang im­peach­ment complaint laban sa pitong mahis­trado ng Korte Suprema.

Sinabi ito ni Albay Rep. Edcel Lagman, nang kuwestiyonin niya ang desisyon ng House Committee on Justice sa pagbasura sa pinag-isang impeachment complaint laban sa pitong mahis­trado ng Korte Suprema.

Ayon kay Lagman nagkulang sa bilang ang boto para ibasura ang complaint.

Aniya, hindi umabot sa required na boto ang komite para gawin ang pagbasura ayon sa patakaran ng Kamara.

Ayon kay Lagman, ang official at kabuuang miyembro ng Committee on Justice ay 68, kasama ang 34 regular at  miyem­brong 34 ex-officio.

Giit ni Lagman, ang kailangang majority vote alinsunod sa patakaran ay 35 votes at hindi 22 ayon sa pinuno ng komite na si Rep. Doy Leachon ng Oriental Mindoro.

“Consequently, the absolute majority re­quired by the rules on impeachment is 35 votes, not merely 22 votes,” ani Lagman.

Ipinagtataka ni Lag­man kung paano nasabi ni Leachon na ang mi­yembro ng kanyang ko­mite ay 33 lamang at ang 17 na boto ay majority.

Aniya, ang ex-officio miyembro ay 34 at 18 ang bumoto para aprobahan ang resolusyon na ibasura ang pinagsamang im­peachment complainants.

Sa 34 regular mem­bers, apat lamang ang bumoto at nag-aprub sa resolusyon. Ang 22 boto, ani Lagman, ay kulang ng 13 para umabot sa kina­kailangang 35 boto para abutin ang bilang ng majority nang lahat ng miyembro kasama ang regular at ex-officio.

Paliwanag ni Lag­man, ang roll call ng mga pangalan ng 68 miyem­bro ng komite ay tinawag bago mag-umpisa ang pagdinig. Dahil dito, ani Lag­man, bigo mai-dis­miss ang impeachment com­plaint.

ni Gerry Baldo

About Gerry Baldo

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Leave a Reply

Your email address will not be published. Required fields are marked *