Kaso vs Noynoy pinagtibay ng Ombudsman (Sa Mamasapano massacre)

A post shared by HATAW! – Diyaryo ng Bayan (@hatawtabloid) on Sep 15, 2017 at 2:51pm PDT

PINAGTIBAY ng Office of the Ombudsman ang kasong graft at usurpation of authority laban kay dating Pangulong Benigno “Noynoy” Aquino III hinggil sa kanyang naging bahagi sa anti-terrorism operation na nagresulta sa pagkamatay ng 44 Special Action Force (SAF) commandos sa Mamasapano, Maguindanao noong 2015.

“In sum, the finding of probable cause against President Aquino in relation to his participation in the violation of Article 177 of the Revised Penal Code (Usurpation of Official Functions) and Section 3(a) of [Republic Act] No. 3019 stands,” ayon consolidated order. Noong Hulyo, iniutos ng Ombudsman ang paghahain ng criminal complaints laban kina Aquino, dating PNP chief, Alan Purisima, at dating SAF Director Getulio Napeñas.

Magugunitang halos 400 SAF commandos ang nagtungo sa Mamasapano, Maguindanao noong hatinggabi ng 24 Enero 2015 upang tugisin ang teroristang si Zulkifli Bin Hir alyas Marwan.

Sa operasyon, tinaguriang Oplan Exodus, ay napatay si Marwan ngunit nagresulta rin sa enkuwentro sa mga miyembro ng Moro Islamic Liberation Front at Bangsamoro Islamic Freedom Fighters.

Napatay ng mga rebelde ang 44 miyembro ng PNP’s elite team habang palabas ng erya.

Magugunitang unang inabsuwelto ng Ombudsman ang homicide raps kay Aquino hinggil sa insidente. Ngunit naghain ng motion for reconsideration sa kaso ang grupong Volunteers Against Crime and Corruption (VACC).

HATAW News Team