HATAW! D'yaryo ng Bayan hatawtabloid.com
PATULOY sa paghataw ang actor/dancer/TV host na si Nikko Natividad. Sobrang nagsisipag si Nikko sa kanyang showbiz career dahil marami siyang mga pangarap sa buhay.
Unang-una na rito ang dream niyang makabili ng bahay para sa kanyang pamilya.
“Ito po iyong hinihiling ko talaga na magkaroon ng mga projects, kaya sobrang thankful po ako sa mga dumarating na blessings. Lagi ko po itong ipinagdarasal dahil gusto ko po talagang maka-ipon dahil ang target ko na sana bago matapos ang taon ay mabili ko po iyong pangarap ko talaga para sa pamilya ko,” saad ni Nikko.
Dagdag pa ng Hashtag member, “Dream ko po talaga iyan at nagsisikap ako ng sobra para makabili ng bahay o kaya, kahit lupa po muna. Kaya talagang todo-hardwork po ako, focus po ako sa work at pinagbubuti ko ang lahat ng ginagawa ko po, para sa mga dream ko sa buhay, lalo na po para sa family ko.
“Isa ko pang dream ay makasama rin sa project na comedy, iyon ang hinihiling ko pang pelikula. Although siyempre sa part ko ngayon na nag-uumpisa pa lang, hindi naman po tayo puwedeng mamili.”
Sa ngayon, bukod sa paghataw sa TV ay umaarangkada rin sa Nikko sa pelikula. Bahagi na rin si Nikko ng segment hosts ng morning show na Umagang Kay Ganda. Plus daily pa siyang napapanood sa It’s Showtime, kaya maganda talaga ang exposure ngayon ni Nikko.
“Kaya masayang-masaya po ako kasi bukod sa araw-araw ako sa It’s Showtime ay kinuha na rin ako ng UKG (Umagang Kay Ganda). Sobrang nagpapasalamat po ako sa mga nasa likod ng UKG sa tiwalang ipinagkaloob nila sa akin,” saad pa ni Nikko.
Sa pelikula naman ay bahagi si Nikko ng casts ng Bes and the Beshies ni Direk Joel Lamangan. Hatid ng Cineko Productions Incorporated, ito’y tinatampukan nina Zsa Zsa Padilla, Carmi Martin, Beauty Gonzalez, at Ai Ai Delas Alas na siyang gumaganap na mother ni Nikko sa pelikula. Isa rin si Nikko sa main casts ng pelikulang Bakwit ni Direk Jason Paul Laxamana.
ALAM MO NA! – Nonie V. Nicasio
