HATAW! D'yaryo ng Bayan hatawtabloid.com
PATULOY sa paghataw ang singing career ng talented na dalagitang si Rayantha Leigh. Ngayon ay isang ganap na recording artist na si Rayantha dahil recently lang ay pumirma na siya ng kontrata sa Ivory Records.
“Nag-contract signing na po si Rayantha kaninang umaga sa Ivory Records and Enterphil para sa digital songs niya po. Unang ipapasok po ang single niya na Nahuhulog, lyrics by Gala Sanchez and composed by Kedy Sanchez. Mga two to three weeks po lalabas na siya sa Spotify, iTunes, Spinnr,” saad ng mabait na mom ni Rayantha na si Mommy Lanie.
Wika niya, “Sa September 3 to 12 po nasa Japan si Rayantha, September 4 ay may award po siya sa Fukuoka, Japan na gaganapin sa Hilton Seahawk Hotel bilang Young International Artist 2017 sa 3rd World Excellence Japan Awards ni Ms. Emma Cordero. Then guest po si Rayantha sa event sa September 9, Osaka, Japan at September 10 sa concert sa Fukuoka, Japan.”
Sa ngayon ay kaliwa’t kanan pa rin ang pinagkaka-abalahan ng dalagitang si Rayantha. Kamakailan ay nagkaroon siya ng guesting sa Robinson’s Metro East. Nag-aaral din siya ng Japanese songs ngayon para sa event niya sa Japan. Ito’y bukod pa sa ginawa niyang acting at dance workshop.
Inusisa namin si Rayantha kung masaya ba siya sa nangyayari sa career niya ngayon?
Sagot niya, “Happy naman po ako sa takbo ng career ko kasi naniniwala po ako na darating din ‘yung tamang panahon para sa akin. Basta ipagpapatuloy ko lang po ang aking pagkanta.”
Nabanggit ni Rayantha na excited siya kapag nagpupunta sa Japan. “Actually I’m always excited to go to Japan especially this coming September because I will be receiving my award and I have two events to attend. Unlike my previous visit in Japan, it’s only for vacation and to visit my relatives in Tokyo and Nagoya. Since we have a free time ni mommy from September 5 to 8 sa Japan, we will make sure to visit my aunties and makapag-bonding with my cousins.”
ALAM MO NA! – Nonie V. Nicasio
