Mother Lily nanggulat, nag-Despacito dance

GINULAT ni Mother Lily Monteverde ang mga invited entertainment press ng bago nitong pelikulang Woke Up Like This na ipalalabas sa mga sinehan sa August 23 nang lumabas ito na naka-hip hop outfit, naka-shades, at naka-wig at sumayaw ng Despacito with matching back up dancers.

Aliw na aliw ang mga entertainment press sa naging pasabog ni Mother Lily at ang husay-husay nitong sumayaw.

Tsika ni Mother Lily after nito sumayaw, ”Nagloka-lokahan lang ako, tinuruan nila akong sumayaw. Parang exercise ko na rin iyon, ‘di ba?”

Ang kuwento ng Woke Up Like This ay ukol sa nagising sina Vhong Navarro at Lovi Poe isang umaga na iba na ang kanilang gender. Naging babae si Vhong at naging lalaki naman si Lovi at doon na pumasok ang napakaraming conflicts and challenges.

Sa ganda nga ng trailer nito na umabot na yata sa 10 million views sa social media at sa pagsusuot ni Vhong ng Magic Kamison ni Mother Lily ay pihadong tatabo ito sa takilya.

MATABIL – John Fontanilla