HATAW! D'yaryo ng Bayan hatawtabloid.com
INIUTOS ni Ombudsman Conchita Carpio Morales na sampahan ng kaso si dating Vice President Jejomar Binay, at anak niyang si dating Makati Mayor Junjun Binay kaugnay sa umano’y maanomalyang pagpa-tayo ng Makati Science Building.
Ayon sa impormas-yon ng reklamo ng Ombudsman, dinaya ng da-lawa ang procurement process sa konstruksiyon ng P1.3-bilyon na proyekto ng lungsod.
Sa magkahiwalay na resolusyon noong 1 Agosto, inakusahan ni Ombudsman Morales ang bawat isa sa mag-ama ng “four counts of graft” at “three counts of falsification of public documents.”
Batay sa plano ng proyekto, itatayo sa loob ng Makati Science High School sa kahabaan ng Kalayaan Avenue, ang Makati Science Building, at dapat ay may 10 pa-lapag na main building at apat palapag na dormitoryo.
Ngunit ang kinalabasan ay isang buong gusali na may 10 palapag.
Bukod sa mag-ama, 19 iba pa ang kasamang pinakakasuhan.
Samantala, Binuweltahan ng tagapagsalita ng mga Binay na si Joey Salgado, si Morales at sinabing ”selective pro-secution” ang ginawa ng Ombudsman sa dalawa.
Sinabi ni Salgado, mistulang binalewala (disregarded) ni Ombudsman Morales ang isinumiteng mga sagot ng mga Binay sa mga akusasyon laban sa kanila.
“The allegations have been answered, but apparently disregarded by the Ombudsman,” pahayag ni Salgado.
“It once again underscores the selective prosecution of the Binays and the Ombudsman’s tendency to look the other way when other political personalities are involved,” dagdag niya.
Iginiit ni Salgado na kampante ang kampo ng kanyang mga kliyente na magkakaroon ng “fair at impartial trial” ang kaso at malilinis din ng mag-ama ang kanilang mga pangalan.
Tinawag din ng abogado na “patently biased” ang mga akusas-yon ng Ombudsman.
