HATAW! D'yaryo ng Bayan hatawtabloid.com
AMINADO si Ken Chan na kahit siya ay nakararanas ng pamba-bash mula sa mga taong hindi siya gusto, hindi niya ito pinapansin. Hindi lang naman siya ang artistang nabibiktima ng pamba-bash, marami silang hinihila pababa.
Ayon nga kay Ken sa isang interview, ”Hindi, in general naman ‘yun. Hindi kasi, parang, alam mo naman dito sa showbiz, maraming mga tao na gusto akong hilahin pababa.
“Hindi kasi alam ng fans iyon, eh. ‘Yung akala nila ganoon kadali, pero hindi madali ang buhay-showbiz.
“Gusto ko lang iparating sa kanila na dahil sa mga taong nagmamahal sa akin, pag-aalaga ng GMA, walang sinuman ang puwedeng humila sa akin pababa.”
Aminado naman si Ken na minsan ay nasasaktan ito sa mga tira sa kanya ng mga basher.
“Honestly, nakaka-offend minsan, ha? Totoo ‘yun.
“Hindi naman ako magpapaka-plastik na sasabihin ko, ‘Hindi naman po ako naasar, hindi ako napipikon.’
“Minsan below-the-belt na, masakit talaga. Pero hindi ko na lang pinapansin, papansinin mo siya, pero hindi mo papatulan.”
“Ang ginagawa ko, nila-like ko ‘yun! O kaya magsasabi ako ng salamat, ganyan-ganyan.
“Mayroon pa nga akong isang basher na naging fan ko dahil doon.”
Alam naman ni Ken na part na ng showbiz ‘yung may mga taong namba-bash talaga, kaya naman deadma na lang ito at mas pinagbubuti na lang ang trabaho.
MATABIL – John Fontanilla
