HATAW! D'yaryo ng Bayan hatawtabloid.com
AMINADO si Yayo Aguila na kakaibang challenge para sa kanya ang paggawa ng indie films. Sa darating na Cinemalaya filmfest sa August 4-13, kasali si Yayo sa entry na pinamagatang Kiko Boksingero na tinatampukan din nina Noel Comia Jr., Yul Servo, at iba pa, mula sa pamamahala ni Direk Thop Nazareno.
Second time na niya sa Cine-malaya dahil last year ay may entry siyang short film na nanalo ng Best Direction and Special Jury Prize.
Nabanggit ni Yayo kung bakit gusto niyang gumagawa ng indie films kahit daw mas mababa ang talent fee rito. “Sobrang fulfilling sa akin ang indie… mas marami akong nagagawang kakaibang character, mas nae-explore ko ang sarili ko.
“Sa edad ko na ito, minsan hindi naman laging talent fee lang ang issue. Marami na akong nagawang indie na minahal ko dahil sa materyal at sa roles na nagampanan ko, na na-challenge talaga ako. Pati way ng independent films, mabilis, simple… mas ramdam ko ang substance,” saad ng aktres na unang nakilala sa classic na pelikulang Bagets noong 1984.
Nagkuwento pa siya ukol pelikula nilang ito. ”Sa Kiko Boksingero, ako ang yaya ni Kiko na nagpalaki sa kanya, na gu-mabay sa kanya sa journey niya to finding himself and his long lost tatay. Si Noel magaling na bata, mabilis mag-absorb ng ins-tructions, napaka-talented at mahal ko ‘yung batang ‘yun, napakabait!
“Si Direk Thop naman, ha-nga ako roon, bata pa pero ang dami nang accomplishments. Malalim siya, so ramdam ko ang lalim at dami ng creative juices niya. Mabait at magaan siyang kasama sa trabaho and he has made me discover a different side of me as an actress. Ha-nga ako sa millenials na gaya niya.”
Paano mo ide-describe ang career mo ngayon at ano pa ang gusto mong ma-achieve as an actress?
Wika ni Yano, “Sa ngayon I consider myself blessed dahil magagandang projects ang nagagawa ko. Siyempre pangarap ko rin ang mapansin at mabig-yan ng recognition kaya I’m doing my best… ‘di pa naman huli, alam ko. Naniniwala naman ako na at this age, may maa-accomplish pa ako as an actress. ‘Yung makagawa pa ng more characters sa mas marami pang projects and one day be recognized bilang mahusay sa lara-ngang ito. Iyon naman ang dream ng bawat actor, hindi ba?”
Si Yayo ay mapapanood din sa pelikulang Fan Girl, Fan Boy na tinatampukan nina Julian Trono & Ella Cruz at sa Finally Found Someone nina Sarah Geronimo at John Lloyd Cruz na showing na ngayon, July 26.
ALAM MO NA! – Nonie V. Nicasio
