HATAW! D'yaryo ng Bayan hatawtabloid.com
TUWANG-TUWA si Coco Martin na makakasama sa kanyang unang pagdidirehe at pagbibidahang pelikula, Ang Panday ang ilan sa mga itinuturing na iconic stars tulad nina Jaime Fabregas, Jonee Gamboa, at Ms. Gloria Romero.
Hindi nga maitanggi ni Coco ang excitement nang mapa-oo si Ms. Romero para makatrabaho. Matagal na rin kasing gustong makatrabaho ng magaling na actor ang isa sa iginagalang at tinitingalang aktres.
Maging ang veteran actress ay nagpahayag ng katuwaan at hindi makapaniwala na gusto siyang kunin ni Coco.
Aniya, “I was surprised. It’s a dream to be working with brilliant actors and he’s one of them.”
Wish ni Ms. Romero na hindi niya ma-dissapoint si Coco at iba pang kasamahan.
“Kompletos rekados,” naman kung ituring ni Fabregas ang Ang Panday na entry ng CCM Productions sa Metro Manila Film Festival 2017.
Hindi naman itinago ni Mr. Gamboa ang pagkabilib kay Coco. Nakatrabaho na niya ang actor sa Feng Shui II at doon pa lamang ay nakita na niya ang galing nito.
“Magaling ‘yung bata. Magaling umarte. Very talented. Very devoted to what he is doing and that’s very important,” sambit pa ng magaling ding actor.
Samantala, isang post ang nakita namin mula sa manager ni Coco na si Biboy Arboleda, ito ay ang ukol sa production meeting ng bumubuo ng Ang Panday. Iyon ay pinangunahan ng kanilang director na si Coco. Bagamat hindi namin naririnig ang sinasabi ng actor/director, kitang-kita ang mga instruction na ibinibigay niya sa mga kausap. Tila cool na cool ang actor sa mga ideang ibinabahagi niya sa kanyang grupo.
Tulad ng tinuran ni Coco noong makausap namin ito sa story conference ng Ang Panday, napakarami niyang idea na gustong ilahad para sa ikagaganda ng pelikula.
SHOWBIZ KONEK – Maricris Valdez Nicasio
