HATAW! D'yaryo ng Bayan hatawtabloid.com
ISANG malaking kasinungalingan ang naglalabasang issue na tinanggal na ang young star na si Nadine Lustre sa ilang endorsements nito.
Tsika ng aming source, “Paanong tinanggal si Nadine eh kakapirma niya lang ulit sa kanyang endorsements.
“Like last July 13 nag-sign siya ulit for another year sa Sony at may apat pa siyang mga bagong endorsements.”
Hindi rin totoong tinanggal na ito sa It’s Showtime bilang host. ”Mali rin ‘yung balitang tinanggal siya sa ‘It’s Showtime’ dahil kung dati-rati ay semi-regular lang siya ngayon regular host si Nadine, ibig sabihin araw-araw na siya mapapanood.
“Bukod pa riyan ‘yung gagawin niyang pelikula at ‘yung pelikula nila ni James (Reid) at lalabas din ngayong taon ‘yung album niya, sariling pabango at sariling libro.
“Kaya hindi totoo na marami ang nawala sa kanya dahil sa lumabas na issue dahil mas dumami pa ‘yung proyekto niya.”
Dagdag pa ng aming reliable source na inaayos na rin ang susunod na teleseryeng gagawin ni Nadine at James sa Kapamilya Network.
MATABIL – John Fontanilla
