Undercover cop patay sa minamatyagang drug suspect (Sa Balayan, Batangas)

BINAWIAN ng buhay ang isang undercover cop makaraan pagbabarilin ng minamatyagan niyang drug suspect sa Balayan, Batangas, nitong Martes ng madaling araw.

Kinilala ang pulis na si SPO1 Brian de Jesus, miyembro ng intelligence division ng Balayan Police Station.

Nakatakas ang suspek sa pamamagitan ni Rodolfo Macalindong, isa sa most wanted persons, at hinihinalang miyembro ng sindikato ng droga sa naturang ba-yan.

Nagtungo si De Jesus sa covered court ng bayan bandang 1:20 am nang mabalitaang nanonood ng live band performance si Maca-lindong.

Sa kainitan ng concert, biglang binaril ni Macalindong ang pulis.

Nadamay ang anim sibil-yan na nanonood din ng concert, kasalukuyang nila-lapatan ng lunas sa pagamutan.

Ayon sa lokal na pulisya, tumakas si Macalindong makaraan ang pamamaril, kasama ang tatlo pang armadong lalaki, isa sa kanila ay kinilalang si Francisco Arroyo.

Ayon sa mga saksi, may dalang mahahabang baril ang grupo ni Macalindong.

Pinaghahanap ng mga lokal na pulisya si Macalindong at ang kanyang mga kasamahan.