HATAW! D'yaryo ng Bayan hatawtabloid.com
NALUNGKOT ang isang sikat na aktres para sa anak ng isang namayapang direktor nang magdiwang ito ng kanyang ikasampung kaarawan kamakailan.
Ikinagulat kasi ng aktres na hindi tulad ng mga nakaraang taon na buhay pa si direk ay nag-uumapaw ang mga bisita sa tahanan nito. In full force kasi ang mga kaibigan nitong artista most especially ang mga natulungan niyang magkaroon ng partisipasyon sa kanyang mga pelikula.
Sey ng aktres, “Ako lang ang naroon sa birthday celebration ng bagets. Ramdam ko ang lungkot sa kanyang mga mata. Kung dati-rati nga naman, eh, blockbuster ang party niya tulad ng movies ng daddy niya sa takilya, waley pati ang mga ninong at ninang niya!”
Hindi maiaalis sa aktres na mapagtanto ang isang nakalulungkot na katotohanan sa showbiz. Kadalasan ay “gamitan” lang ang ipinaiiral ng karamihan sa mga artista na hangga’t may pakinabang sa mga kasama nila’y naroon, pero kapag wala na silang mapakikinabangan ay naglalaho silang parang bula.
Da who ang nasirang direktor na tiyak na ikinadurog din ng kanyang puso ang ‘di pagsipot ng mga taong natulungan niya noong siya’y nabubuhay pa? Itago na lang natin siya sa alyas na Darwin Lagrimas.
(Ronnie Carrasco III)
