HATAW! D'yaryo ng Bayan hatawtabloid.com
MASAMA pala ang loob ng isang dating lady film producer sa ilang mga taong natulungan niya noong panahong aktibo siya sa negosyo.
Ang nagsilbing tagapagsalita ng lady produ na ‘yon ay ang kanyang anak na babae na minsang naging bahagi ng kanilang maiden venture, na aksidenteng nakita ng aming source nitong nakaraaang Maundy Thursday sa isang resto sa Quezon City.
Taong 2010 pala noong masunugan ang kanilang pamilya. Natupok ang kanilang buong tahanan sa QC.
Asang-asa raw ang kanilang pamilya na dadamayan sila ng mga artistang tinulungan nilang magkaroon ng trabaho. Pero ni isa raw sa mga ‘yon ay hindi tumalima.
Sa ngayon ay nakabangon na raw sila. Balik sa dating negosyong pakikipagkontrata sa mga garbage truck ang pinagkukunan nila ng ikinabubuhay.
Da who ang lady produ na ito na sa aming pagkakatanda ay nakadalawang pelikula lang ang naiprodyus pero ang kanilang maiden projectay star-studded at tampok ang isang child actor na mahusay pero nalihis ng daan?
Itago na lang natin siya sa alyas na Vivian Revilla.
(Ronnie Carrasco III)
