Magsasaka umiwas sa bubuyog nalunod sa ilog

LAOAG CITY – Nalu-nod ang isang magsasaka sa ilog na malapit sa Mount Mabilag, dahil sa pag-iwas sa umaatakeng mga bubuyog sa bayan ng Solsona, Ilocos Norte, kamakalawa.

Kinilala ang biktimang si Orlando Tejada, walang asawa, at residente ng Brgy. Manalpac sa nasabing bayan.

Ayon sa PNP Solsona, habang nangunguha ang biktima ng “bilagot” o pekkan, isang uri ng gulay, sa tabi ng sa ilog, kasama ang ilang kaibi-gan, biglang umatake ang napakaraming bubuyog kaya mabilis siyang tumalon sa ilog.

Susubukan sanang sagipin ng mga kasama-han ang biktima ngunit sa dami ng mga bubuyog ay tumakbo sila palayo.

Nang binalikan ng mga kasama ng biktima ay nakitang nalunod na si Tejada.

Patuloy ang imbestigasyon ng mga awtoridad sa nasabing insidente.