500 pamilya lumikas sa Lanao Sur (Sa military ops vs Maute)

HALOS 2,000 indibidwal ang lumikas nang sumiklab ang panibagong sagupaan ng militar at mga teroristang Maute sa Lanao de Sur, kahapon ng madaling-araw.

Batay sa report mula sa Municipal Disaster Risk Reduction Management Offi-ces (MDRRMO), sa bayan ng Piagapo, 416 pamilya o 1,828 katao ang lumikas, habang sa bayan ng Wao ay 57 pamilya o 200 indibidwal, dahil sa takot na maipit sa labanan.

Unang sumiklab ang labanan nitong Biyernes, 21 April, at sinundan dakong 5:45 kahapon.

Agad namahagi ng relief goods ang pamahalaang lokal ng Lanao del Sur sa nagsilikas na mga sibilyan.