HATAW! D'yaryo ng Bayan hatawtabloid.com
CEBU CITY – Nagpapasalamat si Cebu City Councilor Dave Tumulak sa City health at sa Department of Health (DoH) sa Cebu, dahil agad tumugon sa kanyang panawagan na tulungang linisin ang selda at gamutin ang inmates ng Cebu City Jail, upang maiwasan ang paglaganap ng mga sakit sa loob ng pasilidad, lalo ang kaso ng HIV sa mga preso.
Ayon kay Tumulak, magbibigay ng libreng serbisyo ang City Health at DoH sa nasabing pasilidad, at magsasagawa sila ng libreng X-ray para malaman kung may mga presong nagkakasakit ng tuberculosis.
Binigyang-diin ni Tumulak, magsasagawa rin ng libreng HIV testing sa lahat ng preso sa city jail dahil naniniwala si-yang mas marami pang mga preso ang mayroon nito bukod sa mga una nang nakompirmang may HIV.
