HATAW! D'yaryo ng Bayan hatawtabloid.com
NABANGGIT na rin lang iyang KathNiel, nabalitaan namin na si Angel Locsin pala ay isinama sa kanilang ginagawang serye sa telebisyon. Dahil sila ang love team, at sila ang bida, maliwanag na lalabas na si Angel ay support lang sa nasabing serye.
Ano ba naman iyan, ang tagal na naghintay ng tao sa pagbabalik ni Angel. Kailangan siyang operahan, tapos kailangang sumailalim sa therapy. Tapos hindi na niya gagawin ang Darna. Ngayon naman lalabas siyang support sa KathNiel.
Nakalimutan na ba nilang maraming fans si Angel at noon ay nakagawa ng napakalalaking hits? Nakalimutan na bang isang magaling na aktres si Angel na kinikilala kahit na ng mga kritiko? Ok namang makasama ang KathNiel, pero palagay namin dapat mas nabigyan naman si Angel ng mas maganda pang projects. Bakit ganoon?
HATAWAN – Ed de Leon
