HATAW! D'yaryo ng Bayan hatawtabloid.com
MULA nang mapanood ni L.A. Santos sa pelikulang Haunted House si Janella Salvador, naging crush na n’ya ito. Ito ang sinabi sa amin ng 17 year old singer sa presscon ng launching ng kanyang self-titled album last sa Oriental Palace.
Looking forward nga siya sa posibilidad na maka-duet ang crush sa kanyang next album. ‘Di pa niya ito nami-meet pero sana ay dumating ang pagkakatong ito.
Kung ano ang pakiramdam niya sa bagong album, sey niya, “It’s a dream come true for me na magkaroon ng album. Dati kumakanta-kanta lang ako. ‘Di ko na-imagine na magiging singer ako. I want to give my best now. As a singer gusto kong maiba. I will not just sing but I want to compose songs.”
Dinaluhan ang nasabing launching ng pamilya ng singer at Star Music people sa pangunguna nina Jonathan Manalo, Roxy Santos, Ian Reyno, mga composer na sina Garth Garcia at Joel Mendoza na siya ring album producer.
Ang kabuuan ng album ay galing sa komposisyon ng ilang batikang songwriters at awitin ng sikat na mang-aawit, tulad nina Vehnee A. Saturno (Forever’s Not Enough), Jonathan Manalo (Tinamaan), Bruno Mars & Co. (When I Was Your Man), Garry Cruz (Miss Terror at Ikaw Kasi), Garth Garcia (Mine at Bakit Ang Pag-Ibig), at Joel Mendoza (Hanggang Kailan ag One Greatest Love).
Ipinakita rin sa unang pagkakataon ang MTV ni LA, ang One Greatest Love na tribute sa mga inang nagmamahal sa kanilang mga anak tulad ng ina ng singer na si Flor Brioso-Santos na hindi sumuko sa pangarap ng anak.
YUN NA – Mildred A. Bacud
