HATAW! D'yaryo ng Bayan hatawtabloid.com
NAKATAGPO ng “sugar daddy” si Ms. Boots Anson-Roa sa pinakasalang si Atty. King Rodrigo!
Bago kami hantingin o sampahan ng kasong libelo ng respetadong aktres, pahintulutan n’yong i-qualify namin ang tsikang ito.
Kamakailan ay nagdaos sa Mowelfund grounds ng isang mahalagang okasyon para sa mga miyembro nito. Si Tita Boots ang tumatayong Trustee at President ng 43-anyos nang foundation na ito na itinatag noong mayor pa ng San Juan ang ngayo’y Manila City Mayor Erap Estrada.
Ang ikinabubuhay ng Mowelfund ay nagmumula sa ilang porsiyento mula sa kinikita ng taunang Metro Manila Film Festival, the rest ay galing na sa mga generous donations ng mga taga-industriya ng pelikula.
Ever since, natutugunan ng Mowelfund ang mga pangangailangan ng kanilang mga miyembro, mula sa pagpapaospital, pagpapa-aral sa kanilang mga scholar hanggang sa pagpapalibing ng mga ito.
Ewan kung anong mahika ang ginagawa ni Tita Boots (katuwang din ang Chairperson na si Manay Ichu Vera Perez-Maceda) para gampanan ang lahat ng ito samantalang mayroon din siyang sariling buhay na kailangang intindihin.
Once nga’y “nakagalitan” sila ni Erap kung bakit kailangan nilang maglabas ni Manay Ichu ng sariling pera mula sa kanilang bulsa.
Dumating na kasi sa point—and here’s the “sugar daddy” angle—na pati pala ang mamahaling piece of art na nananahimik na nakasabit sa dingding ng bahay nila ni Atty. King ay idinoneyt pa ni Tita Boots para sa isang recent fund-raising project ng Mowelfund.
Ganoon nga ka-dedicated ang isang Tita Boots na bukod sa napakahusay na aktres ay may malasakit sa mga maliliit na manggagawa ng pelikulang Filipino.
Mabuhay po kayo, Tita Boots!
HOT, AW! – Ronnie Carrasco III
