HATAW! D'yaryo ng Bayan hatawtabloid.com
IN full force ang libo-libong fans club ng ToMiho para suportahan ang pelikula nina Tommy Esguerra at Miho Nishida, ang Foolish Love ng Regal Entertainment.
Sa first daw showing pa lang, limang blocked screening kaagad ang kanilang ginawa. Una na ang pa-blocked screening ng Tomiho Groups sa pangunguna ni Merly Peregrino na ginanap sa Cinema 2 ng SM North, The Block na dinaluhan nina Miho at Tommy.
Ani Mami Merlie Barte ng Tomiho Universal, “Gusto lang namin iparamdam sa ToMiho ang pagmamahal namin sa kanila kahit man lang sa ganitong paraan ay maipakita namin sa kanila ang aming suporta.
“Mahal na mahal namin ang ToMiho at alam naman naming mahal na mahal din nila kami.”
Habang nagbiyahe pa mula sa iba’t ibang sulok ng Pilipinas ang mga grupo ng Miho Young @ Hearts sa pangunguna ni Tita Helen De Jesus para magkaroon ng 3rd blocked screening sa SM Mega Mall Directors Club na dinaluhan ni Miho kasama ang kanyang manager na si Jovan Dela Cruz.
Araw-araw ding magkakaroon ng blocked screening ang fans ng ToMiho para maging matagumpay ang pagpapalabas ng Foolish Love na kauna-unahang pelikula ng ToMiho kasama sina Jake Cuenca, Cai Cortez, Jerald Napoles, Beverly Salviejo, at Angeline Quinto.
MATABIL – John Fontanilla
