Meg, lie low na raw sa pagpapa-sexy

TILA ayaw nang magbuyangyang ng kanyang kaseksihan si Meg Imperial. Sa latest kasi niyang movie na Swipe under Viva Films, Allud Entertainment, at Ledge Filims, iginiit niyang lie low na siya sa pagpapa-sexy.

“Wala naman akong ipinakitang anything (in the past), hanggang doon lang ako sa ano, as long as—lagi kong sinasabi– may lalim ‘yung story ng film, and kailangan naman talaga, hindi naman ‘yung basta ‘magpa-sexy ka riyan para lang ma-attract ‘yung tao’, no. Kinailagan talaga roon sa story so why not do it naman kung para sa story,” ani Meg sa presscon ng Swipe kahapon.

May mga daring scene pa rin naman siya sa Swipe pero nagpapasalamat  siya sa production na naprotektahan siya sa mga eksena. “Kung saan lang ‘yung restriction ko or kung hanggang saan lang ‘yung kaya ko, ‘yun lang naman. And very supportive si Alex (Medina) as a partner.”

Ang Swipe ay tumatalakay sa ‘dating application’ online at ginagampanan ni Meg ang papel na recovering drug addict na asawa ni Edward (Alex).

Sa kabilang banda, tatlong pelikula na ang natapos niya. Itong Swipe at ang dalawa pa ay ang Higanti at Kamandag ng Droga na pinamahalaan ni Direk Carlo Caparas.

Nang matanong si Meg ukol sa kanyang lovelife, sinabi nitong wala raw siyang boyfriend ngayon.

Palabas na ang Swipe sa Feb. 1 na idinirehe ni Ed Lejano. Kasama rin sa pelikula sina Luis Alandy, Maria Isabel Lopez, Gabby Eigenmann, at Mercedes Cabral.

SHOWBIZ KONEK – Maricris Valdez Nicasio