Mahusay na aktres, posibleng mapatalsik sa ahensiyang pinaglilingkuran

NANGANGAMBA ang tiyahin ng isang mahusay na aktres na posibleng mapatalsik sa isang ahensiya ng gobyernong matagal-tagal na rin nitong pinaglilingkuran.

Ewan kung ang nagbabadyang dahilan ay sa pagkadagdag ng bago nitong kaopisina na kamakailan lang naupo sa puwesto.

Pero duda raw ng aktres, hindi kaya ang magkasalungat na paniniwalang ispiritwal ng taong nag-appoint sa bago nitong makakasama sa tanggapan ang dahilan?

Kung totoo ito’y nakalulungkot isipin na mababalewala ang dedikasyon ng aktres sa kanyang trabaho gayong maayos naman niyang ginagampanan ang kanyang tungkulin.

At dahil lang ba sa paniniwalang ispiritwal ng aktres na kaiba sa taong nag-appoint sa bago nitong katrabaho ang ugat ng pagpapatalsik sa kanya?

Da who ang aktres na afraid sa posibleng mangyari sa kanya? Itago na lang natin siya sa bulaklak na alyas na Gladiola Rosal. (Ronnie Carrasco III)