HATAW! D'yaryo ng Bayan hatawtabloid.com
MASASAKSIHAN na ngayong weekend ang hit Star Cinema drama film na The Unmarried Wife sa TV at online sa pamamagitan ng Super Kapamilya Box Office(KBO) para mapanood ng mga Pinoy ang pinakabagong mga pelikula sa bahay o kahit saan man.
Makakapili ang mga Filipino na panoorin ang pelikula nina Angelica Panganiban, Dingdong Dantes, at Paulo Avelino sa iba’t ibang paraan gamit ang ABS-CBN TVplus (digital TV), SKY (cable TV, direct-to-home, at video-on-demand), atABS-CBNmobile (online).
Matatandaang Nobyembre noong nakaraang taon ipinalabas sa mga sinehan angThe Unmarried Wife na naging isa sa mga box-office hits ng 2016 dahil sa kuwento ng pag-ibig ni Anne (Angelica) para sa kanyang asawa (Dingdong) at nobyo (Paulo). Maliban sa magandang takbo ng kuwento, tumatak din ang mga hugot line ng pelikula sa maraming manonood kaya kumita ito ng kabuuang P200-M sa local at foreign cinemas.
Bukod sa The Unmarried Wife, mapapanood din ang comeback film ni Judy AnnSantos na Kusina; ang star-studded family-friendly movie na Four Sisters and a Wedding; ang psychological horror film na Cinco; at mga pelikula mula Hollywood na 11-11-11 at Mother’s Day. May marathon din ng PBB at MYX na kukompleto sa weekend bonding ng pamilya.
Para mapanood ang Super KBO ngayong weekend sa ABS-CBN TVplus, i-text ang SUPERKBO99 TUW <TVPLUS BOX ID> to 2131 gamit ang ABS-CBNmobile SIM. Para mapanood ito via online streaming sa abscbnmobile.com/kbo, i-text lang ang SUPERKBO99 TUW to 2131 gamit pa rin ang ABS-CBNmobile.
SHOWBIZ KONEK – Maricris Valdez Nicasio
