HATAW! D'yaryo ng Bayan hatawtabloid.com
THE father is the king.
Agad-agad na nagpatawag ng birthday get-together para sa press na isinilang sa mga buwan ng Enero hanggang Marso si Quezon City Mayor Herbert Bautista para isabay na sa pa-interbyu sa anak (kay Tates Gana) na si Harvey.
May pelikula palang nakatatakot ang tema si bagets. Na nakita nating na-develop saGoin’ Bulilit.
Pagdating sa mga anak, masasabing hindi magkandaugaga si Mayor!
Nang umuwi sa bansa ang kanyang anak naman kay Eloisa Matias na sa New York, USA na kumukuha ng kursong Filmmaking at marami ng mga proyektong ginagawa na hinahangaan na ng buong mundo, si Mayor din ang sumama-sama sa pag-ikot sa interviews ng anak, lalo na nang sumalang ito sa CNN Philippines.
Both kids take after their father. At may punto naman para masabi ‘yun dahil nga showbiz pa rin ang tinatahak na mundo ng ‘magkapatid sa ama’.
May biro kami sa butihing Mayor—sa darating pa na panibagong anak sa babaeng malamang na siya nang ihahatid sa dambana. Baka naman by that time eh, doon sa nanay na magmana ito!
Tinatawanan lang ako ni Mayor kapag binibiro ko siya!
HARDTALK – Pilar Mateo
