HATAW! D'yaryo ng Bayan hatawtabloid.com
PURING-PURI ng mga manonood ang naging eksena na nalaman ng magkakapatid na Dimples Romana (Amanda), Matt Evans (Andrei), Aaron Villaflor (Paeng), at Andi Eigenmann (Lizelle) kasama ang apong si Joshua Garcia (Z) at bestfriend na si Ruby Ruiz (Mommy Lydia) ang ukol sa matagal nang itinatagong sakit ni Mommy Glo (Sylvia Sanchez), ang alzheimers disease.
Bumuhos ang papuri sa mga bida sa The Greatest Love, dahil sa nakaaantig na episode na punompuno ng tensiyon.
Marami ang napahagulgol at talaga namang naantig ang damdamin kasama na kami na sa totoo lang, araw-araw yata’y lagi kaming pinaiiyak ng seryeng ito.
Marami nga raw ang nagre-request na ilagay sa Primetime block ng ABS-CBN2ang The Greatest Love para mas marami ang nakakapanood.
Ayon sa abscbnnews.com, mismong mga bida ng TGL ay nadadala rin sa eksena.
Sa kanilang interbyu kay Joshua Garcia ukol sa naging eksena noong Miyerkoles, sinabi nitong ”Intense (eksena) at noong una kinakabahan na ako,” ani Z. ”Sabi ko kay Mami La (tawag niya kay Mommy Glo), parang hindi ko kaya ang take 2 hanggang take 1 lang ako.”
Hindi na raw kinailangan pang humugot ni Andi sa naturang eksena dahil talagang naiiyak na siya agad.
Sinabi naman ni Sylvia na napapaisip siya sa hirap na ginagampanan niyang papel.”Kaya ko ba sa totoong buhay na ganoon kahabang pasensiya sa anak na nambabastos? Hirap sagutin,” anito na sa totoo lang grabe nga naman ang ginagawang pambabastos at pambabalewala sa kanya lalo ng ng panganay na anak na si Amanda.
SHOWBIZ KONEK – Maricris Valdez Nicasio
