No drones, cellphone signals sa prusisyon ng Poong Nazareno

ANG cellphone signals ay idya-jam at ang drones ay ipagbabawal sa gaganaping traslacion o prusisyon ng Black Nazarene sa Maynila sa 9 ng Enero, araw ng Lunes, ayon sa Armed Forces of the Philippines.

Ang hakbang na ito ng AFP ay bunsod nang pangambang pag-atake ng mga terorista sa gaganaping prusisyon, inaasahang daragsain ng mil-yon-milyong Filipino Catholics, kasunod ng serye nang pagpapasabog sa iba’t ibang bansa.

Ang desisyon na pag-jam sa cellphone signals ay kasunod ng bomb scare na bumulabog sa erya malapit sa US Embassy sa Roxas Boulevard nitong Nobyembre.

Ang Quiapo Church, Quirino Grandstand at ruta ng prusisyon ay i-dedeklara ring “no-fly zones”.

Noong 2012, ang cellphone signals ay naka-jam din sa ruta ng prusisyon makaraan balaan noon si dating Pangulong Benigno Aquino III nang posibleng pag-atake ng mga terorista.

Nauna rito, sinabi ng mga opisyal ng Minor Basilica of the Black Nazarene, inaasahang 15 milyon hanggang 18 milyon mga deboto ang daragsa sa Quiapo Church muma 31 ng Dis-yembre hanggang 10 ng Enero, 2017.