Extra bonus sa PNP malabo — Palasyo

NANINDIGAN ang Malacañang, walang ibinigay o ibibigay na ‘extra bonus’ para sa matataas na mga opisyal na PNP sa Kapaskuhan.

Taliwas ito sa pagkompirma ng isang heneral at naunang anunsiyo mismo ni PNP Chief Ronald dela Rosa na daan-daang libong piso ang bigay na ‘extra bonus’ ni Pangulong Rodrigo Duterte sa kanilang hanay.

Sinabi ni Presidential Spokesman Ernesto Abella, batay sa kanyang sariling source, walang natanggap na ganoong cash gift ang PNP generals.

Ayon kay Abella, wala ring aasahang ibibigay ang Pangulong Duterte kina Gen. Dela Rosa na ganoong halaga sa hinaharap. Kamakalawa, inihayag ni Dela Rosa, nagbago na ang desisyon ng pangulo at hindi na tuloy ang pangakong ‘extra bonus.’