HATAW! D'yaryo ng Bayan hatawtabloid.com
TILA medyo nanahimik ngayon ang Bise Presidente na si Leni Robredo. Parang hindi yata masyadong pumapapel sa mga isyu ngayon ang pangalawang pangulo. Mabuti naman.
At ngayong ilang tulog at gising na lang, Pasko na, tila magandang Christmas wish natin kay Leni, tigilan na nito ang panay-panay na pag-iinarte. Tama na ‘yung maya’t mayang pagsakay sa iba’t ibang mga isyu ng bayan lalo na kung wala rin naman siyang konkretong solusyon na magagawa.
Kung maaari lang ay limitahan, kung hindi rin naman talagang kayang iwasan, ang kanyang photo ops at press releases na maya’t maya ay ipinapaskil sa social media. Nakauumay at halatang ‘pampaganda’ lang ito ng kanyang imahe at para sabihin na nagtatrabaho siya. Kung totoo siyang nagtatrabaho, puwede ba siyang maglingkod nang hindi kinukunan ng retrato?
Tigilan na rin sana ni Leni ang paggamit sa namayapang asawa na si Jessie Robredo. Patahimikin na niya ang kaluluwa ng kanyang asawa. Magtrabaho nang totoo at hindi ‘yung propaganda lang.
Tigil-tigilan na rin ang pagpapakyu…t dahil hindi na bagay sa kanya at may edad na rin siya.
Ngayong kapaskuhan, gawin sana ni Leni ang tama, at kung magtatrabaho siya nang totoo huwag magpapadikta sa mga dilawan, lalo na kay dating Pangulong Noynoy Aquino.
