Anne, naiyak nang ianunsiyo ang engagement nila ni Erwan

NANGINGILID ang luha ni Anne Curtis kahapon sa It’s Showtime habang inaanunsiyo na officially engaged na siya kay Erwan Heussaff.

Ani Anne na limang taon nang girlfriend ni Ewan, “I am happy to share with all of you the great news. And being someone who’s always in the public eye, I think it’s very, very important that I share it with all of you, which I did yesterday.

“Thank you everyone, it was all over the news, social media, who sent their well wishes and love to both Erwan and I.

“Sobra kaming nagpapasalamat po sa inyo. And I’m just hoping na until the end of this whole journey and as I enter the whole chapter in my life, kasama ko pa rin ang ‘It’s Showtime’ family.

“And sana po, even when I become misis na, patuloy pa rin po ang supporta niyo.”

Si Anne ang ikaapat na miyembro ng ‘It Girls’ na na-engage at ikakasal. Nauna na sina Georgina Wilson, Solenn Heaussaff, at Isabelle Daza

Kung ating matatandaan, kumulat ang “proposal” video ni Erwan na ipinost niya sa YouTube. Ito’y naglalaman ng travel diary ng recent trip nila sa USA. May titulo iyong Going Around New York City and Connecticut (Best Trip Ever) pna sa bandang dulo ay makikita ang pagpo-propose si Erwan kay Anne sa itaas ng bundok.

Sa video ay makikitang nakaluhod si Erwan sa harap ni Anne at may hawak na small box na naglalaman ng singsing habang ang aktres naman ay parang umiiyak.

Mahina ang boses ni Erwan kaya hindi masyadong marinig sa video ang sinasabi ni Erwan pero maririnig ang pag “yes” ni Anne.

SHOWBIZ KONEK – Maricris Valdez Nicasio