Bolante absuwelto sa plunder (Sa P723-M fertilizer fund scam)

Bolante absuwelto sa plunder (Sa P723-M fertilizer fund scam)

INABSUWELTO ng Sandiganbayan Second Division si dating Agriculture undersecretary Jocelyn “Joc-Joc” Bolante kaugnay nang kinakaharap na sa P723 milyong fertilizer fund scam.

Sa 24-pahinang desisyon ng anti-graft court, pinawalang sala si Bolante sa kasong plunder dahil sa kakulangan ng mga ebidensiyang isinumite ng prosecutors laban sa da-ting opisyal.

“There is no document and/or testimony submitted to establish that accused Bolante received this unliquidated amount so as to make him probably guilty of the crime of plunder,” bahagi ng nakasaad sa desis-yon ng Sandigan.

Nitong nakaraang Agosto nag-isyu ng ruling ang anti-graft court, nagsasabing hindi sapat ang mga ebidensiya para mapanagot si Bolante.

Nag-ugat ang kanyang kaso sa anomalya sa fertrilizer funds sa kasagsagan ng pangangampanya ni dating Pangulong Gloria Macapagal-Arroyo noong 2004.

Kabilang din sa mga akusado si dating Assistant Agriculture Secretary Ibarra Poliquit at fertilizer suppliers na sina Jaime Eonzon Paule, Marilyn Araos, Joselito Flordeliza, Marites Aytona, Jose Barredo at Leonicia Marco-Llarena.

Kasama rin sa co-accused si Arroyo sa kasong graft ngunit inabsuwelto ng Ombudsman dahil sa kakulangan ng ebidensiya.

Inaprobahan ang resolusyon nina Justices Samuel R. Martires, Michael Frederick L. Musngi at Geraldine Faith A. Econg.