130 PDs ‘alas’ ni Digong sa peace talks (Hangga’t walang peace agreement)

HINDI palalayain ni Pangulong Rodrigo Duterte ang inihihirit na 130 political detainees (PDs)  ng rebeldeng komunista dahil itinuturing niyang sila ay ‘alas’ sa peace talks.

“This is how it is. I have conceded to the Communist to march too soon. As yet I have to see a substantive progress of the talks. They are asking for 130 detainees to be released, all NPAs. Sorry, I cannot do that,” anang Pangulo kahapon sa Legazpi, Albay.

Giit ng Pangulo, wala na siyang panghahawakang baraha sa usapang pangkapayapaan kapag pinalaya niya ang political detainees.

“I cannot do it because uubusin nila ang baraha ko. Iyang alas ko nga…sabihin ko sa inyo ang alas ko ‘yung nasa kulungan. E ‘pag every time that you meet, you ask for so many additional, playing a poker game here. Maubos ang baraha ko. I-release ko lahat iyan ano pa ang pag-usapan namin?” sabi niya.

Nais ng Pangulo na pirmahan ng magkabilang panig ang bilateral inde-finite ceasefire agreement hanggang maplantsa nang husto ang mga gusot sa peace talks.

“I want a document that would be honored because that would be under the good offices of Norway and with the participation of the Norwegian. They will sign a document…It’s a signed document that there is an agreement for a ceasefire for an indefinite period until such time that we can sort out things and maybe hopefully,” sabi ng Pangulo.

Tiniyak ng Pangulo na bibigyan niya ng pardon ang matatanda at may sakit na political detainees pero ang mga ‘tiga-sing’ rebolusyonaryo ay mananatili sa kulungan hanggang walang peace agreement.

ni ROSE NOVENARIO