HATAW! D'yaryo ng Bayan hatawtabloid.com
GENERAL SANTOS CITY – Arestado ang isang 2nd year criminology student sa buy-bust operation ng Regional Anti-Illegal Drugs Special Operations Task Group (RAIDSOTG) sa lungsod.
Kinilala ni Supt. Maximo Sebastian Jr. ng RAIDSOTG, ang suspek na si Asrap Belon Usman, 22, residente ng Brgy. Sinawal nitong lungsod, at nag-aaral sa isang pribadong kolehiyo.
Positibong nabilhan nang nagpakilalang posuer buyer na pulis si Usman ng isang sachet ng shabu sa halagang P500 sa isang restaurant sa Quezon St., Brgy Dadiangas North sa lungsod.
Bukod dito, narekober din sa kanyang posisyon ang siyam pang sachet ng shabu na may estimated market value na mahigit P60,000.
Inihahanda na ang kasong paglabag sa sections 5 at 11 ng RA 9165 o Comprehensive Dangerous Drugs Act of 2002 laban sa suspek na nakapiit sa selda ng Pendatun Police Station.
