Senator Leila De Lima mas mabuting mag-inhibit na lang sa senate probe

Kahapon, para na namang nanood ng boksing ni Manny Pacquaio ang sambayanan…

Lahat ‘e nakatutok sa hearing sa Senado, ultimo mga taxi driver, naka-tune-in ang radio sa nagaganap na pagdinig.

Habang nanonood ang inyong lingkod, nakaramdam tayo ng awa para kay Senator Leila De Lima.

Naawa ako dahil ginawa niyang circus ang kanyang sarili. Propaganda ba ang habol niya? Simpatiya? Idepensa ang kanyang sarili?

Totoong puwede siyang makahamig ng simpatiya, pero ano ang magagawa ng simpatiya kapag sinampahan na siya ng kaso kaugnay ng akusasyon na siya ay nakinabang ng kuwarta bilang protektor sa operasyon ng ilegal na droga?

Lalo pa tayong nahabag nang makita natin ang ekspresyon ng mga pigil na tawa habang inuusig niya sina Kerwin Espinosa at Ronnie Dayan na kasinungalingan umano ang kanilang mga inihayag sa Kamara.

E hindi nga siya makatingin nang eye-to-eye kay lover boy Dayan, laging kay Kerwin lang siya nakatingin. Panay tuloy ang “making faces” ni Papa love Ronnie.

Hindi man lang ba naisip ng matalinong Senadora na siya ay nagmumukhang katawa-tawa?!

Mas maigi pa sigurong nag-inhibit na lang si Senator De Lima para hindi naman nagmukhang self-serving ang pang-uusig niya kina Kerwin at Ronnie.

Hintayin na lang niyang sampahan siya ng kaso  para sa korte niya idepensa at ipagtanggol ang kanyang sarili lalo’t sinasabi niyang pawang kasinungalingan ang sinasabi nina Kerwin at Ronnie.

‘Yan ay kung may matibay rin siyang ebidensiya para pabulaanan ang lahat ng akusasyon laban sa kanya?!

In the meantime, protect yourself, Sen. De Lima!

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap