HATAW! D'yaryo ng Bayan hatawtabloid.com
BOLUNTARYONG sumuko sa PNP ang isa pang hinihinalang drug lord na supplier ni Kerwin Espinosa, kay PNP chief Dir. Gen. Ronald Dela Rosa sa Kampo Crame.
Kinilala ni Dela Rosa ang suspek na si Lovely Impal Alam.
Ginawa ni Dela Rosa ang pag-amin sa pagsuko ni Lovely sa pagdalo niya sa Senate hearing kaugnay sa pagpatay kay Albuera, Leyte Mayor Rolando Espinosa.
Ayon sa PNP chief, sumuko si Impal sa kanya kahapon ng umaga at agad niyang iniutos sa pamunuan ng PNP Anti-Illegal Drugs Group (AIDG) ang imbestigasyon.
Si Lovely ay ilang beses na binanggit ni Kerwin na kanyang pinagkukunan ng supply ng droga sa unang pagdalo niya sa Senate hearing.
Ang ilan pa sa supplier ni Kerwin ay sina Peter Co na nasa loob ng Bilibid, at si Jeffrey Otom Diaz alias Jaguar, itinuturing na Cebu’s biggest alleged drug dealers.
Sa ngayon, ongoing pa ang interview kay Alam ngunit makalalaya rin dahil walang kaso na isinampa laban sa kanya.
Aminado si Dela Rosa na wala pa siyang impormasyon patungkol kay Alam maliban sa pagdawit sa kanya ni Kerwin sa operasyon ng ilegal na droga.
