Ria Atayde, game sa mga challenging na role

PATULOY sa paghataw ang showbiz career ni Ria Atayde. After masungkit ang kanyang first acting trophy sa 30th Star Awards for TV ng Philippine Movie Press Club (PMPC) bilang Best New Female TV Personality para sa mahusay na performance sa MMK (Puno ng Mangga) episode, ngayon naman ay magkakasunod ang projects ng aktres.

Isa si Ria sa casts ng Wansapanataym: Holly & Mau ng ABS CBN na tinatampukan nina Janella Salvador at Elmo Magalona. Kasama rin ang aktres sa HOOQ para sa mini-series na On the Job ni Direk Erik Matti na ang tema ay naka-focus sa media industry para sa Season 1.

Sa Wansapanataym ay gumaganap siya bilang diwatang kontrabida, okay lang ba sa kanya ang ganitong role dahil sa unang TV series niyang Ningning ay mabait ang karakter na kanyang ginampanan? “Okay naman po sa akin na maging kontrabida, of course. Parati ko naman pong sinasabi na lahat okay po ako. Medyo mas challenging ang ganitong role, pero kaya naman po,” pahayag niya sa amin.

Ano ang eksaktong papel niya sa Wansapanataym?

Sagot ni Ria, “Ako po si Eliza roon na isang diwata na kalahating tao. Yung father ko is human, ang mother ko is a diwata. Tapos katulad ng nanay ko, iniwan din po ako ng human o ng tao na minamahal ko.”

Sinabi rin ng magandang anak ni Ms. Sylvia Sanchez ang kanilang forthcoming mini-series na On The Job para sa HOOQ. “HOOQ is a video streaming service with over 30,000 pieces of media in it. May shows and movies including ABS, GMA. Regal, Reality Star, aside from international ones din from both Hollywood and around Asia. OTJ is a mini-series connected to the old movie by Direk Erik Matti. It’s a spin off of the movie po.

“I play Karen Salas, daughter of Sisoy Salas, a journalist in a small town called La Paz. I’m the eldest daughter who takes charge of the family since namatay po iyong Mom namin and busy po si daddy sa trabaho.”

Kasama ni Ria sa On The Job sina Bela Padilla, Arjo Atayde, Dominic Ochoa, Smokey Manoloto, Jake Macapagal, at Christopher de Leon.

Inusisa rin namin si Ria kung handa ba siyang sumabak sa indie films at kung ano’ng role ang gusto niyang gampanan. “Opo naman, game rin akong mag-indie films,” matipid na tugon niya.

“Kahit ano pong challenging at wala sa normal kong line of characters ang gampanan kong role. Of course! Sa tingin ko ay challenging na role yung maging tomboy or autistic,” pahayag pa ni Ria.

ALAM MO NA! – Nonie V. Nicasio